Mommy Divine, tumaas ang BP dahil sa pagsakay ni Sarah sa motor

MAY nakapagtsika sa aming tumaas ang BP ng dearest mom ng Pop Princess na si Mommy Divine nang nakita ang mga picture ni Sarah Geronimo na naka-post sa social media habang sakay ng dirtbike. Kung totoo ito, bilang isang ina, naiintindihan naming dahil mapanganib ang ganitong sport. Para mo ring inilalagay ang kalahati ng buhay mo sa hukay.

Dagdag pa ng source, tiyak na minus point ito kay Matteo Guidicelli na balitang ito pa ang nag-encourage para subukan ang dirtbike, isa sa  paboritong sports ng aktor. Iyon ang kauna-unahang bike na sinubukan ng aktor noong 10 taon gulang pa lamang.

“And Matteo is riding really well kasi Matteo used to do PW50s when he was 10 years old or nine years old on the same bike,” sambit pa sa amin.

Ang tsika pa, isa sa pinakamasaya at todo ang pag-cheer ay ang aktor dahil matagumpay na nagawa ni Sarah ang pagsakay sa PW50 bike.

Naganap ito nang samahan ni Sarah si Matteo sa kanyang motor cross training sa Taytay, Rizal. May tsika pang ito ang madalas na ginagawa ng dalawa.

STARNEWS UPLOAD
ni Alex Datu