Ambon sa Traslacion asahan — PAGASA

KATAMTAMAN ang pa­na­hon pero may tsansang dumanas ng ambon ang aasahan sa Metro Manila bukas, Miyerkoles, sa araw ng Kapistahan ng Itim na Nazaren0, ayon sa weather bureau.

Ayon kay weather specialist Meno Men­doza, kahapon, Lunes ay wa­lang naiulat na weather disturbances sa Philip­pine area of responsibility sa loob ng tatlong araw.

Ang hanging-amihan ay magpapatuloy na domi­nanteng  klima sa Luzon.

Sa isinagawang special weather outlook ng Philippine Atmos­pheric Geophysical and Astronomical Services Administration’s (PAGA­SA) para sa naka­takdang religious festival, sinabi nilang katam­ta­mang panahon ang aasa­han sa susunod na apat na araw na may posi­bilidad ng pag-ambon.

Ang temperaturang mararamdaman ay sa pagitan ng 22 at 31 degrees Celsius.

Inaasahang milyon-milyong deboto ang da­rag­sa para sa Traslacion — ang prusisyon ng Itim na poong Nazareno mula sa Quirino Grandstand sa Rizal Park pauwi sa kanyang dambana sa simbahan ng Quiapo (Minor Basilica of the Black Nazarene).

Noong isang taon, umabot sa 22 oras bago natapos ang pru­sisyon.