16-anyos estudyante patay sa Meningo (Sa Bulacan)

CITY OF SAN JOSE DEL MONTE, Bulacan – Ipina-cremate na noong Sabado, 8 Disyembre, ang labi ng isang teenager na namatay sa hinihi­nalang sakit na meningo­coccemia disease ma­karaan bawian ng buhay noong Huwe­bes, 6 Disyembre.

Ang nasabing sakit ay ikinokonsiderang medical emergency.

Sa ulat ni Betzaida Banaag, city health of­ficer, kinompirmang may namatay sa meningococ­cemia sa lungsod na isang 16-anyos estudyante ng Minuyan Elementary School, at pinagkalooban na ang prophylactic treat­ment ang 40 estudyante at 12 guro.

Kinompirma rin ni Dr. Jocelyn Gomez, provincial public health officer ng Bulacan, na ang city health officials ay nagsa­sagawa ng “contact tracing” sa lugar na ma­da­las puntahan ng mga biktima.

“The provincial public health office has also been coordinating with the San Lazaro Hospital about the progress on the disease monitoring,” dag­dag ni Gomez.

Ang meningococ­cemia ay “rare infection” na dulot ng Neisseria meningitidis bacteria. Ito ay kapareho ng bakterya na nagdudulot ng me­ningi­tis.

Kapag ang bakterya ay na-infect ang mem­branes na bumabalot sa utak at spinal cord, ito ay tinatawag na meningitis. Kapag nanatili ang im­pek­siyon sa dugo ngunit hindi ini-infect ang utak o spinal cord, ito ay tinata­wag na meningo­cocce­mia.

(MICKA BAUTISTA)