Sheena, hindi isisikreto ang kasal

HINDI pa sure kung 2020 magpapakasal ang Kapuso actress at isa sa mga bituin sa pelikulang The Girl in the Orange Dress na entry sa 2018 Metro Manila Film Festival na si Sheena Halili at fiancé nito na si Atty. Jeron Manzanero.

Ayon kay Sheena, ”May iilang ninong at ninang na pero wala pa rin kaming definite date and kasi hinahanap ko pa ‘yong perfect venue.

“May friends na hindi ko na sinasabihan na ‘hoy invited ka.’ Alam na nila sa heart nila na part sila niyon. Pero siyempre, may friends ako na gusto ko imbitahan ng personal, lalo na ang mga ninong and ninang.

“Maraming showbiz friends. Maraming friends si Jeron so, dapat ko talagang tapatan ‘yong entourage.”

Ipaaalam naman nina Sheena sa kanyang mga tagahanga kung kailan ang magiging kasal nila ni Atty. Jeron. Kabituin ni Sheena sa The Girl in the Orange Dress sina Jessy Mendiola, Jericho Rosales, Via Antonio, Nico Antonio atbp..

(JOHN FONTANILLA)