Taas presyo sa 2019 asahan (Sa fuel excise tax)

NANGANGAMBA ang ilang grupo na magtaas ang presyo ng mga pangunahing bilihin matapos ianunsiyo ng pamahalaan na itutuloy ang dagdag sa excise tax ng langis sa 2019.

Bahagi ang dagdag-buwis sa ilalim ng Tax Reform for Acceleration and Inclusion (TRAIN) Act.

Ayon kay Philippine Amalgamated Super­markets Association president Steven Cua, ginagamitan ng tran­s-portasyon ang mga pangunahing bilihin tulad ng mga karne, gulay, at prutas kapag ipinadadala na ito sa mga pamilihan.

“For distributors, delivery, Christmas rush, traffic, difficulty in parking, and all those things na additional cost, incidental expenses ‘yan in delivering the goods to the super­markets,” aniya.

“For the fresh pro­duce ‘yun ang mata­tamaan, ‘yun malaki ang epekto noon… which supermarkets and markets also carry,” dagdag niya.

Hamon ni Cua, dapat ipakita ng pama­halaan na ginagamit ang buwis sa pagpapagawa ng impraestruktura.

Para kay United Filipi­no Consumers and Commuters president RJ Javellana, dagok ang ikalawang tranche ng excise tax sa mga kon­sumer dahil hindi pa sila nakababangon sa mga nagdaang taas-presyo.

Nanawagan din si Javellana na palitan ni Pangulong Rodrigo Duterte ang kaniyang economic managers.

Nitong Nobyembre, naitala ang pagbagal ng inflation, na nasa anim porsiyento mula 6.7 porsiyento noong Setyembre at Oktubre.

Nauna nang inia­nunsiyo na suspendido ang dagdag-buwis sa langis. Ngunit makaraan ang sunod-sunod na linggong rollback, na­pag­pasyahan ng go­byerno na ituloy ang muling pagpataw ng dagdag fuel excise tax.