The Maid in London, suportado ng PCSO bilang tribute sa pamilyang Pinoy

SINUSUPORTAHAN NG PCSO (Philippine Charity Sweepstakes Office) ang pagpapalabas ng advocacy film na The Maid In London. Tampok dito sina Andi Eigenmann at Matt Evans, at mula sa pamamahala ni Direk Danni Ugali.

Ang pelikula ay mapapanood nang libre sa Dec 7 sa Robinson’s Galleria (Cinema 9), 7pm; Dec 9 – Robinson’s Place Las Piñas (Cinema 7), 1p; at Dec 11 -Robinson’s Calasiao, Panga­sinan, 1pm (Cinema 4).

Ang pelikula ay tumatalakay sa mga TNT o tago nang tago sa London at isa nga rito si Margo (Andi), isang mapagmahal na anak na handang gawin ang lahat para sa magandang kinabukasan ng kanyang mga mahal sa buhay. Napilitan siyang magtrabaho sa abroad, matapos ang kanyang mga pangarap sa buhay ay mawasak ng lalaking kanyang minamahal.

Ipinaliwanag ni Direk Danni kung bakit sumuporta ang PCSO sa pelikulang ito.

Saad niya, “Dahil they share the same advocacy that Filipino families continue to fight and a very strong fighter especially when it comes to their loved ones. Kasi ‘yung iba, ang nakikita nila at ‘yung napaka-strong na personality ng Filipinos, fighter kahit hindi OFWs, lalo na pagda­ting sa pamilya – ipaglalaban talaga nila.”

Dagdag ni Direk Danni, “This project is made possible thru PCSO General Manager Mr. Alexander F. Balutan. Our purpose is to share the film to senior citizens, women’s orga­nizations and for those people who values family so much. Kaya pinasasalamatan ko rin ang iba pang sumuporta sa pro­yektong ito tulad ng Prego Jeans Ph, Ms. Rhea Tan of Beautederm Corporation, Mahlord Pro­ductions, Jude Cartalaba, Chester Guttierez, Nomel Perez, Annie Magnabion of Robinson’s Cinema, Ms. Aki Galicia-Tsuji, Dr. Shirwel Dagasdas of Revisage Skin Care and Mr. Joel Pastores.”

Ang The Maid in London ay base sa librong Tago ng Tago ni BL Pangasinan. Tampok din dito sina Polo Ravales, Janice Jurado, Joshua de Guzman, Alexis Navarro, at iba pa. Ito’y mula sa Cinemanila.UK at Viva Films. Ang producers ay sina BL Panganiban, Beth Rees, Steve Rees, Mark O’driscoll, Nhing O’driscoll, at Danni Ugali.

ALAM MO NA!
ni Nonie Nicasio

Marlon Marcial, gustong sundan ang yapak ni Coco Martin