Bilibid ililipat — Faeldon

NAUPO na bilang ba­gong director ng Bureau of Corrections (BuCor) kahapon si dating Bureau of Customs (BoC) Commissioner Nicanor Faeldon at inihayag na sa susunod na tatlong taon ay tatanggalin na ang New Bilibid Prison (NBP) sa Muntinlupa City.

Sinabi niya ito sa harap ng mga kawani ng BuCor nang dumalo siya sa kanyang unang flag ceremony.

Aniya, ang pagliilpat ng NBP mula sa Mun­tinlupa City ay bilang bahagi ng moder­niza­tion program ng gob­yer­no para sa naturang bilangguan.

“I’m telling you this, as directed by the Pre­sident and as mandated by the Bucor Moder­nization Act of 2013 we have to move this out, we have to move the facilities out,”  ani Faeldon.

Ayon kay Faeldon, ang nasa 300 ektaryang pasilidad na iiwan ng NBP ay magiging com­mercial business district.

“This is a very expen­sive property that the Philippine government can use to generate funds so the requirements set by BuCor can be sustained by itself,” ayon sa bagong talagang BuCor director.

Nakatakda ang relo­kasyon ng pasilidad at ang mga bilanggo ng NBP ngunit hindi muna niya binanggit kung saang lugar.

(JAJA GARCIA)