Imelda, ‘di tatalikuran ang pagkanta

PALIKERO! Ganyan ilataran ng Jukebox Queen na si Imelda Papin ang siya namang naging Hari mg panahon nila na si Rico J. Puno. Na eventually eh, magiging super bestfriend pa pala niya bilang Kumpare.

“Hindi ko naman alam kung nanliligaw ba siya that time,” natatawang sabi ni Mel sa pagbabalik-tanaw namin sa kanilang friendship at tinanong nga siya kung nagkaroon ba sila ng relasyon o naging malapit ba ang mga puso nila ng mga panahon  na ‘yun.

“Puro palipad-hangin lang naman. At saka dahil alam ko naman na ‘yun nga palikero at lapitin ng chicks, hindi ko naman din inisip na may seryosong ligawan or whatever. Noon pa lang career-oriented na tayo.”

Kaya sa pagpanaw ng kanyang Hari sa Jukebox, napakalaki rin ng panghihi­nayang ni Mel. Kung kailan naman may ineendoso siyang produktong makatutulong sa immunity regeneration ng mga cell sa ating katawan, at saka pa nga niya ito hindi naibigay o naipakilala man lang kay Koriks.

“As what we I have always believed, lahat happens in God’s time. Noong magdesisyon ako to  come here and live here iniwan ko at isinakripisyo ang ini-enjoy ko na ring buhay in Las Vegas. Para makapagsilbi ako sa Camarines Sur.  Kaya babalikan ko ito ngayon. Tatakbo uli ako. At hindi ko rin naman iiwan ang showbiz. This has been my bread and butter. At ‘di ko matatalikuran ang pagkanta.”

Mel endorses ImuRegen. Na mga nucleotide na kailangan ng ating katawan para sa kabuuan ng ating DNA.

HARD TALK!
ni Pilar Mateo