Bagets, umaming, minanyak ng isang matinee idol

NATAWA kami sa kuwento ng isang kakilala namin. May kakilala raw siyang bagets, ang sinasabi ay “minanyak siya ng isang matinee idol.”

Hindi iyong bagets ang mismong nagsabi sa amin. Hindi pa rin naman umaamin hanggang ngayon ang matinee idol na siya ay bading. Kahit sabihin mong lumabas pa iyan sa libro, hearsay pa rin iyan. Kaya hindi kami lubusang naniniwala.

Pero ipinipilit niya, “kung makikita mo pogi talaga iyong bagets at malamang totoo ngang minanyak siya ng matinee idol.”

Pero sabi nga namin, huwag na nating pag-usapan, in the first place hindi naman ikinuwento in detail kung paano siya “minanyak”. Pero nakilala daw niya ang matinee idol sa isang watering hole sa Taguig. Iyan na nga ba ang sinasabi namin eh.

(Ed de Leon)