Throwback photos ni Dovie San Andres maraming nag-like

Uy noong kabataan niya o during 90s ay may itinatago palang kaseksihan ang controversial personality na si Dovie San Andres. At lahat ng throwback photos ni Dovie ay naka-post sa kanyang official Facebook account at umani ng maraming likes.

Ayon kay Dovie, nang aming maka-chat ay alaga talaga niya ang kanyang katawan noon na aside raw sa moderate siya kung kumain ay madalas siyang mag-excercise kasi gusto talaga niyang mag-artista. Kaso noong handa na siyang pasukin ang showbiz ay kontra sa ambisyon niya ang kanyang pamilya sa Bicol kaya walang nagawa si Dovie, kundi ang tanggapin na lang ito.

Pero dahil talagang gustong umarte sa kamera at nagkataon na noong 2009 ay may nag-alok sa kanyang director na igagawa siya ng pelikula na siya ang gaga­wing bida at ang kanyang mga anak basta siya ang magpi-finance. Naniwala naman agad ang nasabing personalidad at hindi niya alam, hustler pala sa pan­loloko o scam ang direktor-direktoran.

Ngayon ay desidedo na si Dovie na ituloy ang kanyang unang indie movie na ipo-produce at ilan sa makakasama niya sa pagbi­bidahang sariling project ay sina Stanley Villanueva at mga indie actor na sina Khristian Michael Villanueva at Ian Monteverde.

VONGGANG CHIKA!
ni Peter Ledesma

---

Sarah Lahbati sumugod sa Barangay

Young actor Christian Gio sasabak sa iba’t ibang challenge sa “Galing ng Pinoy”