HATAW! D'yaryo ng Bayan hatawtabloid.com
KAMAKAILAN ay ibinalandra ng aming kaibigan sa FB ang mga litratong kuha sa isang birthday celebration na idinaraos sa isang marangyang hotel sa Metro Manila.
Kung hindi kami nagkakamali, ang may-edad nang lady celebrator ay kamag-anak ng Hashtag member na si Ronnie Alonte.
Nasa pictures sina Vice Ganda, Billy Crawford, Jed Madela, at Alden Richards. Tipong pansamantalang “nag-unite” ang mga celebrity attendees nito mula sa magkalabang TV network sa bansa.
Pero hindi roon kami naaliw.
Mayroon kasing isa pang attendee roon—si Bernard Cloma—na todo-pose sa mga larawan. Walang hindi nakakakilala kay Bernard sa sirkulo ng showbiz.
He’s everywhere kasi. Bukod dito’y hindi puwedeng isnabin kung sino-sino lang naman ang mga taong dinidikitan niya, mga rich and famous lang naman.
Jet setter o well-traveled din si Bernard, base na rin sa mga picture kung saan nakakasama’t nakakaniig niya ang mga hindi basta-bastang celebrities in places na sa panaginip mo lang yata mararating.
Marami rin, however, ang nagtataas ng kilay kay Bernard. Biggest social climber nga ang bansag sa kanya but he couldn’t care less.
Binasag kasi ni Bernard ang realidad ng pagkaka-belong niya sa isang mundong may puwang din pala sa mga tulad niya.
Hindi showbiz reporter si Bernard. Hindi PR person. Hindi TV or movie director o scriptwriter. At lalong hindi artista o celebrity endorser ng anumang produkto.
Pero visible siya sa lahat ng mga high-end na pagtitipon. Pero maloka tayo kung present si Bernard sa dalawang magkasabay na showbiz gathering, sino kaya roon ang impostor? At may gusto bang maging siya in the first place?
HOT, AW!
ni Ronnie Carrasco III
