HATAW! D'yaryo ng Bayan hatawtabloid.com
KILALA sa sexy image niya ang dating Viva Hot Babe na si Sheree. Ngunit bukod sa kanyang tapang sa pagpapa-sexy, multi-talented ang morenang sexy actress.
Bukod sa pagiging aktres, si Sheree ay isang singer, composer, DJ, pole dancer, at painter. “Painter po ako, at the same time, nagpo-pole dancing din ako.
“Actually, pangarap ko talagang mag-Fine Arts, kaso ang mommy ko, ang gusto ay maging nurse ako or other course. Hindi ko na-pursue iyon, kaya ang ginawa ko ay kumuha ako ng teacher from UP na sobrang galing talaga, si Art dela Cruz,” sambit ng aktres na last October 3 ay nagkaroon ng exhibit sa Got Heart Gallery at isa sa showbiz personality na kasama sa exhibit ay si Bangs Garcia.
Kung ipi-paint siya nang nude, si Ian Veneracion daw ang gusto ni Sheree.
Anang sexy actress, “Si Ian Veneracion, puwede po… Iyong tipong, ‘I want you to paint me, wearing only this,’ Hahaha! ‘Ian, nananawagan ako sa iyo, paint me wearing this,’ charot! Why not kung si Ian? Hindi ko alam na nagpi-paint pala siya.”
Si Sam Milby naman daw ang type niyang i-paint nang nakahubad. ”Si Sam Milby, charot! Hahahaha, Wala lang, siguro I find him very behave masyado.”
Payag din daw si Sheree kung i-paint naman siya nang nude? ”Kung ako ang ipi-paint, siguro po depende sa artist. Siguro kung one on one, siguro kung si Mr. BenCab ang magpi-paint, oo naman po, game ako. Kasi idol po iyon,” sambit ni Sheree patungkol sa National Artist for Visual Arts na ang tunay na pangalan ay Benedicto Reyes Cabrera.
Game ba siyang maghubo’t hubad sa pelikula? ”Oo naman po kung Hollywood film. Kung local, titingnan ko iyong story, kung may katuturan naman po at makakatulong sa career ko, why not naman? Kasi siyempre, medyo matagal na rin po ako sa industriya at iyon na ang gusto kong career path, ‘yung kumbaga ay papunta na sa taas at hindi iyong parang nagsisimula pa lang,” aniya.
Dagdag ni Sheree, “So, kung may offer ulit na mag-nude, gagawin ko kapag worth it naman, artistic at makakatulong sa career ko.”
ALAM MO NA!
ni Nonie Nicasio
