HATAW! D'yaryo ng Bayan hatawtabloid.com
INAMIN ni Angelica Panganiban kay Boy Abunda nang mag-guest ito sa Tonight With Boy Abunda kamakailan na sobrang kinakabahan siya kapag nakikipag-date sa hindi taga-showbiz?
“Hindi ako marunong makipag-usap sa isang tao na hindi tagarito (showbiz). In fairness, nag-a-adjust siya ng bonggang-bongga kasi ako walang masyadong alam sa ginagawa niya.
“Naka-ilang beses na kaming nag-date pero lately, busy si kuya pero ngayon ako naman ang medyo busy,” pag-amin nito sa Tonight With Boy Abunda.
Sa showbiz, sobrang close si Angie kay Direk Andoy kaya ito daw ang una niyang tinatawagan kung may problema siya at unang iniiyakan, “Sa kanya ko kinukwento yung mga katangahan ko, kasi sa kanya lang ako nakikinig at siya lang ‘yung puwedeng tumalak sa akin.”
Pagdating sa pagiging professional, inamin nitong one of the best siya kaya nakatitikim sa kanya ‘yung mga kasamahang artista na hindi considerate at professional na katrabaho.
“Ako ‘yung artistang nagsasabi ng deretsahan. Pinagsasabihan ko naman sila na kung gusto nila ang kanilang ginagawa, hindi maganda ‘yung pinaghihintay mo ‘yung ibang tao.”
Ikinatutuwa nito ang pagle-level-up niya sa pagiging prangka as in, open siya sa kanyang nararamdaman dahil nagsasalita na siya. Hindi tulad noon na tahimik lang at kadalasan, isinitsismis lang ang isang tao na may kinalaman sa pag-uugali nito at pati na sa mahinang pagkilos.
STARNEWS UPLOAD
ni Alex Datu
