Pateros vice mayor inireklamo ni misis sa pananakit

DAHIL umano sa pro­blema sa pamilya, naga­wang saktan ng bise-alkalde ang kanyang misis sa loob ng kanilang bahay sa munisipalidad ng Pateros, iniulat ng Southern Police District (SPD) kahapon.

Nahaharap sa kasong paglabag sa Anti-Vio­lence Against Women and their Children Act (RA 9262) si Pateros Muni­cipality Vice Mayor Gerald German, 39, resi­dente sa E. Hermosa St., San Roque, Pateros.

Samantala, ang biktima ay kinilalang si Mary Antonnette German, 38, misis ng bise-alkalde ng naturang lungsod.

Sa naantalang ulat ng SPD, naganap ang insi­den­te sa loob ng bahay ng pamilya German, dakong 7:30 pm nitong 18 Setyembre.

Sinabi ni Pateros Police chief, S/Supt. Julius Coyme, problema umano sa pamilya ang dahilan ng pananakit  at boluntaryong nagtungo ang bise-alkalde sa him­pilan ng pulisya kaugnay ng nangyaring insidente.

Sinabi ni Coyme, nag­piyansa ang vice-mayor para sa nasabing asunto.

 (JAJA GARCIA)