Ipe, umanib na sa PDP-Laban: Anong posisyon kaya ang susungkitin?

ISA si Phillip Salvador sa tatlong personalidad na umanib kamakailan sa PDP-Laban.

Kompirmado nang isa sa kanila ang tatakbo sa pagka-Senador sa next year’s elections, si dating PNP Chief Bato de la Rosa.

Hindi naman porke umanib si Kuya Ipe sa nasabing partido ay may balak din siyang kumandidato (uli).

Nasubaybayan namin ang tinahak na landas sa politika ni Kuya Ipe. Kung matatandaan, una siyang nakipagsapalaran sa pagka-Vice Mayor ng Mandaluyong City pero ‘di pinalad.

Sumunod ay sa Pasay City naman siya nagbalak tumakbo. Rehistrado raw siya sa parteng Pildera malapit sa airport. Pero hindi ‘yon natuloy.

Noong 2016 ay binangga niya si Daniel Fernando sa pagka-Vice Governor ng Bulacan pero hindi siya sinuwerte.

Seeing him raise his right hand bilang kabahagi ng PDP-Laban, ang tanong: if ever, ano naman kayang posisyon ang nais sungkitin ng aktor?

Sa ngayon ay parang aktibo na rin si Kuya Ipe sa politika. Kinakatawan niya si Pangulong Duterte in certain functions kung hindi makadadalo ang huli.

Nasa plantilla kaya siya, Mr. Bong Go?

HOT, AW!
ni Ronnie Carrasco III