Saturday , April 13 2024
Fred Lim KKK PDP-Laban
NAGTATALUMPATI si dating Manila Mayor Alfredo S. Lim sa ginanap na mass oathtaking nang mahigit 5,000 miyembro ng kanyang partidong KKK, bilang mga bagong miyembro ng PDP-Laban. Sila ay nanumpa kay PDP-Laban president at dating Senate President Koko Pimentel.

Serbisyong Lim na “from womb to tomb” paiigtingin

HIGIT na aktibong kam­pan­ya laban sa ile­gal na droga at pag­babalik sa mas malawak na libreng ‘from womb to tomb’ services sa May­nila.

Ilan lamang ito sa mga binanggit ni dating Manila Mayor Alfredo S. Lim na maaasahan ng mga residente kapag siya ay nakabalik sa lungsod bilang alkalde.

Sinabi ito ni Lim sa sidelines ng mass oath-taking ng mahigit 5,000 miyembro ng kanyang  KKK (Kapayapaan, Kaun­laran at Kata­rungan) party sa harap nina PDP-Laban nation­al president at dating Senate President Aqui­lino ‘Koko’ Pimentel III, at kanya rin pina­salamatan ang kanyang mga tagasuporta na dumalo sa pagtitipon, kabilang sina  Bureau of Corrections chief Ronal­do ‘Bato’ dela Rosa, Local Governments Un­der­secretary Martin Di­ño, Makati City Rep. Monsour del Rosario (1stDistrict), PDP – Laban Manila Council President Penelope Belmonte, na nakaupo rin bilang exe­cutive director ng Nation­al Parks Development Committee, PDP-Laban Manila vice president for NCR Engr. Salvador Ty, Maguindanao Rep. Zajid Mangudadatu (2nd District), at PDP-Laban public information officer Ron Munsayac.

Sa panayam, nana­wa­gan din si Lim sa kanyang mga tagasu­porta na gawin ang lahat sa abot ng kanilang maka­kaya na tulungang ma­ging matagumpay ang administrasyon ni Pa­ngulong Rodrigo Duterte.

Bukod sa pagkaka­roon ng katulad na abokasiya tulad ng clean governance, kapwa nag­pahayag ng kompiyansa sina Lim at Pimentel na nagkakaisa ang KKK at PDP-Laban sa pagnanais na ipagkaloob ang lahat ng libreng serbisyo hang­ga’t maaari, sa mga resi­dente ng Maynila. Si Lim ay kinilala sa pagpa­patayo ng anim city hos­pitals sa bawat distrito ng Maynila, ang lahat ay nagkakaloob ng libreng serbisyo, at pagtatatag ng libreng college edu­cation nang kanyang ipa­tayo ang City College of Manila (ngayon ay Uni­versidad de Manila).

Sa kasalukuyan, sinu­suportahan ni Lim ang kampanya ng gobyerno laban sa ilegal na droga at korupsiyon.

“Sa halip na buma­tikos, gumawa tayo ng maliliit na hakbangin para makatulong.  Ating alala­hanin, na iisa lang ang ating bansa at ang pagta­tagumpay ng namumuno sa ating bansa ay tagum­pay nating lahat.

Anomang maging kabiguan ng admi­nis­trasyong ito ay kabiguan na tayo ring mga Filipino ang siyang babalikat,” aniya.

Sinabi ni Lim na bi­nang­git niya sa naka­raang panayam noong siya at si Duterte ay kap­wa pa alkalde, na nani­niwala siyang “kung may 20 Mayor Duterte lang sa Filipinas ay siguradong aangat ang bansa at uunlad.”

“Ako ay nanini­wa­lang tunay na sinsero si Pangulong Duterte na linisin ang ating pama­halaan sa mga kati­walian at sa pagnanais na tuldukan na ang ile­gal na droga sa bansa kaya sana ay supor­tahan natin siya. Aminin natin, sa klase ng mga kriminal at tigas ng ulo ng mga tao sa ngayon, kamay na bakal ang kailangan para mapa­tino ang ating bansa,” diin ni Lim.

Sa aspektong ito, tiniyak ni Lim na kaisa siya ni Duterte at sina­bing ang kanyang service record ang magpapa­tunay nito.

About hataw tabloid

Check Also

Rochelle Pangilinan

Rochelle inamin nakaramdam ng insecurity nang palitan sila ng EB Babes

MA at PAni Rommel Placente SA interview ni Rochelle Pangilinan sa Toni Talks ni Toni Gonzaga, inamin niyang nasaktan sila …

Isko Moreno

Yorme Isko tiniyak ‘di na tatakbo sa halalan 2025

I-FLEXni Jun Nardo SARADO na ngang talaga ang pinto ng politika kay Isko Moreno Domagoso kahit nasa …

COPA Swim Series Leg 3 RMSC Eric Buhain

COPA Swim Series Leg 3 sa RMSC

TULOY ang pagtuklas sa mga bagong talento sa isasagawang National Capital Region (NCR) One For …

Marilag Festival Sta Maria Laguna

Mula 11-14 Abril 2024
IKA-11 MARILAG FESTIVAL SA STA. MARIA, LAGUNA   INAASAHANG DARAYUHIN

TAMPOK ang iba’t ibang produktong agrikultural at iba pang by-products, sa pagdiriwang ng mga taga-Sta. …

Bulacan Police PNP

P240k ilegal na droga kompiskado; 11 pasaway arestado

INILUNSAD ng pulisya sa Bulacan ang pinaigting na operasyon na nagresulta sa pagkakompiska ng ilegal …

Leave a Reply

Your email address will not be published. Required fields are marked *