Sunday , October 24 2021

107 katao nalason sa feeding program

Hataw Frontpage 107 katao nalason sa feeding program Sa Muntinlupa
Hataw Frontpage 107 katao nalason sa feeding program Sa Muntinlupa

AABOT sa mahigit 107 katao, kara­mihan ay mga bata, ang sinasabing nala­son sa pagkain sa feeding pro­gram ng isang pribadong eskuwe­lahan para sa mahihirap na pamilya sa Muntinlupa City, kamakalawa.

Agad nagtungo si Mayor Jaime Fresnedi sa Ospital ng Muntinlupa (OsMun) upang personal na pangasiwaan ang pagkalinga at pagbibigay ng libreng gamutan sa mga pasyenteng naging biktima ng food poi­soning.

Naging katulong ni Fresnedi sa pag-aasikaso sa mga pasyente si Dr. Edwin Dimatatac, ang director ng OsMun.

May 98 pasyente ang naitalang isinugod sa OsMun ng nagrespon­deng rescue team at ambulansiya mula sa iba’t ibang barangay sa Muntinlupa, ang ibang biktima ay pinauwi ma­karaan malapatan ng lunas, habang ang iba pa ay under observation sa pagamutan.

Ilan sa matatanda na nagpasyang sa bahay na lamang magpagaling ang binigyan ng medical treatment ng mga tauhan ng lokal na pamahalaan.

Sa inisyal na imbes­tigasyon ng pulisya, dakong 10:00 am noong Sabado ay nagsagawa ng feeding program ang pamunuan ng De La Salle Santiago Zobel School sa Ayala Alabang, sa indi­gent families na nakatira sa Southville 3, NHA, Makabuhay Extention, NBP reservation com­pound, Brgy. Poblacion, Muntinlupa.

Sa naturang feeding program ay kumain sila ng kanin, nilagang itlog, giniling na baboy at saging ngunit pagsapit ng 6:30 pm ang mga biktima ay nakaranas ng pagkahilo, pananakit ng tiyan at pagsusuka.

Dito na humingi ng tulong ang mga residente sa kanilang opisyal ng barangay na dagliang umaksiyon at tumawag ng rescue team para dal­hin sa pagamutan ang mga biktima.

Samantala, inaalam ni Dr. Juancho Bunyi, acting health officer ng Mun­tinlupa, ang posibleng naging dahilan ng uma­no’y pagkalason ng mga biktima, habang hindi pa nagbibigay ng pahayag ang pamunuan ng nasa­bing esku­wela­han.

ni MANNY ALCALA/JAJA GARCIA

About hataw tabloid

Check Also

SM Megamall Mandaluyong Menchie Abalos COVID-19 vaccine A3.1 category minors kids

SM SUPERMALLS OPENS PEDIATRIC VACCINATION CENTER IN MANDALUYONG
Phase 2 of A3.1 vaccination program starts rolling out in 17 more locations in PH

WHEN the news broke out that children with comorbidities can get vaccinated, Paul Vincent Lim …

PH ayaw pasukin ng investors dahil sa super mahal na koryente — Solon

MULING binatikos ni Bayan Muna Rep. Carlos Zarate ang panibagong power rate hike ngayong Oktubre, …

102221 Hataw Frontpage

Bato kabado sa ICC probe vs drug war killings sa PH

ni ROSE NOVENARIO IBINISTO ni Pangulong Rodrigo Duterte na kabado si dating PNP chief, Sen. …

Blind Item, Woman, man, gay

BF ni sikat na aktres boylet din ni batang matinee idol

ANO kaya ang sasabihin ng magaling at sikat na aktres kung makakarating sa kanya ang tsismis …

Aiko Best Supporting Actress sa 34th Star Awards for TV

Aiko Best Supporting Actress sa 34th Star Awards for TV

MA at PAni Rommel Placente ITINANGHAL na Best Supporting Actress si Aiko Melendez para sa mahusay niyang …

Leave a Reply