HATAW! D'yaryo ng Bayan hatawtabloid.com
NAGING monster hit sa panahon niya (Rannie Raymundo) ang Why Can’t It Be?
At ngayong ang kapatid niyang si Lance naman ang may kantang You Are The One o #YATO, naniniwala si Rannie na sa digital platforms man ito makikilala eh, gagawa rin ng ingay ang kanta at music video nito.
Sinuportahan ni Rannie at ng kanilang butihing inang si Mommy Nina (Nina Zaldua) si Lance nang magkaroon ito ng press listening party sa Black Maria kamakailan.
Kaya ang wish naman ng marami sa mga kaibigan na ni Rannie sa press eh, makita silang dalawa na mag-collaborate o magsama rin sa isang show o concert.
Idol ni Lance si Rannie sa pagkanta. Pero saludo naman si Rannie sa pagiging isang aktor din ng kapatid.
Kung may image noon si Rannie na playboy, si Lance naman eh, nagtatagal ang mga relasyon.
Nagawa niya nga ang #YATO para sa 2nd girlfriend niya. At muli niya itong ini-record. Ang unang girlfriend niya eh dumating sa panahon ng kanyang kabataan. Ang ikatlo naman, dance music ang nagawa niya.
Pero ngayon-zero ang lovelife niya dahil gusto niyang mag-concentrate sa patuloy na paggawa ng musika.
“Dating every now and then. Isang tao lang. Pero not in a relationship pa rin. Ayoko lang muna.”
Kung sino ang next na #YATO sa puso ni Lance eh, one big question mark.
No, hindi naman pinapakikialaman ni Rannie ang lovelife ng kapatid at sariling buhay na nito ‘yun.
HARD TALK!
ni Pilar Mateo
