Singer-aktres, nagkulong dahil sa sampal ng nanay

ANG tindi niyong tsismis ha, bigla na lang daw sinampal ng nanay niya ang isang singer-aktres nang hindi niyon magustuhan ang naging sagot sa sinasabi ng nanay.

Nagpapaliwanag lang naman daw ang singer-aktres nang biglang lapatan ng sampal ng nanay. Dahil doon ay nagkulong ng ilang araw sa loob ng kuwarto niya ang aktres at hindi lumalabas, kung hindi nga lamang pinuntahan ng kanyang boyfriend na siya lamang nagpakalma sa kanyang kalooban. Grabe naman si nanay, sobrang lupit na iyan. Kung bata iyan, baka tumawag na iyan sa 163. (Ed de Leon)