P20.4-M shabu nasabat sa Maynila

KOMPISKADO ang tinatayang P20.4 milyon halaga ng ilegal na droga sa isang 25-anyos lalaki sa buy-bust operation ng mga awtoridad sa lungsod ng Maynila, nitong Huwebes ng hapon.

Ayon sa ulat, dakong 3:20 pm nang ikasa nang pinagsanib na puwersa ng Philippine Drug Enforcement Group (PDEG) Special Operations Unit, Region 3 Drug Enforcement Unit (RDEU) at Manila Police District (MPD), ang buy-bust operation sa Sogo Hotel sa kanto ng Mabini St. at Quirino Avenue sa nasabing lungsod.

Arestado sa nasabing operasyon ang suspek na si Ryan Tomawis, residente sa City Land, Bangcal, Makati City, nakompiskahan ng tatlong kilo ng hinihinalang shabu.

Nadakip ng mga awtoridad ang suspek sa room 164 ng nasabing hotel.

Ayon sa mga awtori-dad, ang suspek ang responsable sa malaking bentahan ng droga sa Metro Manila at karatig-probinsiya at matagal nang target ng pulisya.

Nahaharap ang suspek sa kasong paglabag sa Comprehensive Dangerous Drugs Act o RA 9165.