Wednesday , May 22 2024
Greg Slaughter Gilas
Greg Slaughter Gilas

Ugali ng Pinoy taglay ni Slaughter

BLANGKO pa ang listahan ng final line up ni coach Yeng Guiao na dadayo  sa Iran para sa 4th window ng FIBA World Cup qualifiers.

Ang dahilan ay hinihintay pa ang ilang papeles ni Greg Slaughter na nagpapatunay na may dugo siyang Pinoy  para mapabilang sa line up  bilang local.

Medyo kinabahan ang ilang fans ng  basketball.   Pag nagkataon kasi ay mawawalan ang Team Philippines ng lehitimong sentro.    Wala tayong panapat kay 7-foot-2  Haddadi ng Iran.

Pero ang Kurot Sundot ay relaks lang sa nangyaring sitwasyon na sa ultimo-ora ay doon lang nagkumahog si Slaughter para kompletuhin ang papeles na nagpapatunay na puwede siyang maglaro sa FIBA bilang local ng Team Philippines.

Bakit kanyo relaks tayo?

Aba’y sa nangyaring sitwasyon ay pinatutunayan na ni  Slaughter na tunay siyang Pinoy kahit na siguro  huwag nang ipakita ang mga papeles niya.

Katulad ng ordinaryong Pinoy,  “beat-the-deadline” siya para maisabmit ang mga requirements.   Ikanga, kung kailan deadline na ay saka  lang siya kumilos, samantalang ilang taon na ba siyang naglalaro sa PBA?

Di ba tipikal na ugaling Pinoy si Greg?

Tuloy ay nabimbim ang pag-anunsiyo ni coach  Guiao ng pinal niyang line-up na lilipad papuntang Iran.

Kahapon ay balitang nakapagsumite na ng requirements si Slaughter.

Pero kuwidaw pa rin tayo  dahil kailangan pa rin pala ng approval ng FIBA kung papayagang maglaro si Slaughter bilang local.

Mukhang kulang o may depekto ang papeles ni Slaughter?

Abangan na lang natin ang mangyayari.

KUROT SUNDOT
ni Alex Cruz

About Alex Cruz

Check Also

Labog kampeon sa 9th leg ng PCAP Champions League Open chess tilt

Labog kampeon sa 9th leg ng PCAP Champions League Open chess tilt

MANILA — Nagkampeon si Marc Kevin Labog ng Solano, Nueva Vizcaya sa 9th leg ng …

2024 Philracom 1st leg ng Triple Crown nakopo ng kabayong si Ghost

2024 Philracom 1st leg ng Triple Crown nakopo ng kabayong si Ghost

NAKOPO ng dehadong kabayo na si Ghost ang 2024 Philippine Racing Commission (Philracom) 1st Leg …

Ethan Parungao COPA

Batang manlalangoy itinanghal na Most Outstanding Swimmer sa COPA NCR-AFO Championship 2024

ITINANGHAL na Most Outstanding Swimmer (MOS) ang 8-anyos na si Ethan Parungao na nagkamit ng …

Eric Buhain Patricia Mae Santor PAI COPA

Evangelista, Melencio, Santor kumuha ng MOA title sa COPA meet

NAKOMPLETO nina Aishel Evangelista, Patrica Mae Santor, at Ricielle Maleeka Melencio ang dominasyon at inangkin …

2024 CPBA 9-Ball Teams Invitational tournamen

PH versus Taiwan sa 9-ball showdown

NANGAKO ang Team Philippines na magpapakita ng magandang laban sa pakikipagsargohan sa Team Chinese Taipei …

Leave a Reply

Your email address will not be published. Required fields are marked *