Wednesday , May 22 2024
Jericho Cruz Kris Rosales Sidney Onwubere

Cruz sa TNT aprobado

BINASBASAN na ng Philippine Basketball Association (PBA) ang trade na magtutulak kay Jericho Cruz patungong Talk ‘N Text mula sa Rain or Shine kahapon.

Ngunit para maisapinal ito ay kinailangan ng KaTropa na idagdag ang isa pa nilang guwardiya na si Kris Rosales sa naturang trade.

Bunsod nito, naidagdag si Rosales sa orihinal na trade package na sina rookie Sydney Onwubere at 2018 first round pick upang makuha ang star guard na si Cruz.

Magugunitang kamakai­lan ay ibinahagi ni Rain or Shine head coach Caloy Garcia na matagal nang hiling ni Cruz ang ma-trade at kung maaari ay sa NLEX upang makasama muli ang dating coach na si Yeng Guiao.

Bahagyang naisaktuparan ang kanyang hiling na mai-trade ngunit hindi sa NLEX kundi sa kapatid nitong koponan na TNT.

Gayonpaman, inaasa­hang magiging malaking tulong si Cruz sa kampo ng TNT na delikadong makapasok sa playoffs ngayong 2018 Philippine Cup.

Kasalukuyang nasa 4-6 ang kartada ng KaTropa matapos ang tatlong sunod na kabiguan. Nakakapit na lamang sila ngayon sa ikawalong puwesto at kinakailangan manalo kontra NLEX upang manati­ling buhay ang pag-asa.

Samantala, waring naka-jackpot ang Elasto Painters dahil tatlong manlalaro ang nakuha nito.

Hangad na mapatatag pa lalo ang puwesto sa ikaapat na ranggo bunsod ng 5-3 marka, magsisilbing dagdag na puwersa sa kanila ang rookie big man na si Onwubere gayondin ang kamador na si Rosales.

Bukod rito ay may tsansang makakuha ng malupit na pick ang Rain or Shine sa 2018 PBA Rookie Draft na puno ng talento dahil sa first round pick mula sa TNT.

ni John Bryan Ulanday

About John Bryan Ulanday

Check Also

Benhur Abalos Hopeful Stakes Race bida si Amazing

Hopeful Stakes Race bida si Amazing

ni Marlon Bernardino NAGING sentro ng atraksiyon ang kabayong si Amazing matapos mamayagpag sa 2024 …

Sasabak sa SEABA qualifiers SUPORTADO NI CAYETANO GILAS PILIPINAS UNDER-18 WOMENS BASKETBALL TEAM

Sasabak sa SEABA qualifiers
SUPORTADO NI CAYETANO GILAS PILIPINAS  UNDER-18 WOMEN’S BASKETBALL TEAM

MANILA, Philippines – Buo ang suporta ni Senator Pia Cayetano sa koponan ng Gilas Pilipinas …

Labog kampeon sa 9th leg ng PCAP Champions League Open chess tilt

Labog kampeon sa 9th leg ng PCAP Champions League Open chess tilt

MANILA — Nagkampeon si Marc Kevin Labog ng Solano, Nueva Vizcaya sa 9th leg ng …

2024 Philracom 1st leg ng Triple Crown nakopo ng kabayong si Ghost

2024 Philracom 1st leg ng Triple Crown nakopo ng kabayong si Ghost

NAKOPO ng dehadong kabayo na si Ghost ang 2024 Philippine Racing Commission (Philracom) 1st Leg …

Ethan Parungao COPA

Batang manlalangoy itinanghal na Most Outstanding Swimmer sa COPA NCR-AFO Championship 2024

ITINANGHAL na Most Outstanding Swimmer (MOS) ang 8-anyos na si Ethan Parungao na nagkamit ng …

Leave a Reply

Your email address will not be published. Required fields are marked *