Saturday , May 24 2025
Kurot Sundot ni Alex Cruz

PBA Commissioner Willie Marcial panauhin sa Zoom meeting ng TOPS

KAHAPON ay unang linggo ng taong 2021 para sa  Usapang Sports ng Tabloids Organization in Philippine Sports at sumalang sa  Zoom meeting si  PBA Commissioner Willie Marcial bilang solong panauhin.

Maraming katanungan tungkol sa basketball ang ipinukol na tanong sa kanya na malinaw na sinagot ni Kume.

Isa sa nilinaw niyang isyu ang kasalukuyang ipinapakitang ‘attitude’ ni Calvin Abueva sa loob at labas ng court ngayong pinayagan na siyang bumalik sa PBA mula sa suspensyon.    Ayon sa kanya, impresibo ang ipinakikitang ugali ngayon ng pambato ng Phoenix Super LPG Fuel Masters.   Diretso siya sa malinis na laro pero punung-puno ng dedikasyon.   Maging sa labas ng court ay madalas siyang maging  abala sa pagtulong sa kanyang pamayanan.

Well,  ibigay natin ang kredito kay Commissioner Marcial sa malaking pagbabago ni Abueva.   Nagsilbing aral sa manlalaro ang ipinataw na kaparusahan sa kanya ni Kume  para palitan ang dating magaspang na pag-uugali sa kanyang laro.    Ikanga ni Commissioner Marcial, isa nang huwarang PBA player si Abueva sa loob at sa labas ng court.

oOo

Sa Pebrero na ang 3rd window ng FIBA basketball na ang ilang games ay dito sa Pilipinas ilalarga.

Nang matanong natin si PBA Commissioner Willie Marcial kung ano nga ba ang magiging komposisyon ng Gilas Pilipinas sa 3rd window, kung mas malaki ba ang posiyento na manggagaling sa pro o sa cadets?

Wala siyang ideya sa kasalukuyan dahil ang bola ay nasa SBP ang pinal na desisyon kung ano ang magiging komposisyon ng Gilas.

Pero ipinahayag niya ang kanyang sariling  ideya kung paano bubuin ang Gilas para sa 3rd window.  Mas gusto niyang lamang ang bilang ng cadets kumpara sa bilang ng pro players. Nabanggit niya ang nangyari sa Iran na minsang bumuo ng isang team na ang mayorya ay mga cadets.   Ngayon ay isa nang ganap na pan­laban ang Team na tinatayang tagumpay ang eksperimentong iyon.

Tingin natin, tama si Kume.   Maganda ang ipinakita ng cadets sa 2nd window ng FIBA.  Impresibo ang kanilang ipinakitang opensa.   Na ang tanging kulang ay lehitimong sentro na kukuha ng rebounds.

Nakatikim na ng laro ang mga cadets na pang-internasyunal.   Simula nang makabuo ng kumpiyansa ang mga iyan.   Ngayon, kung ang mayorya na bubuuing Gilas Team sa 3rd Window ay mga pro—masasapa­wan na naman ang mga bagito at mababalewala na naman ang nakuhang eksperyensa sa naka­raang laro kontra Thailand.  Pero kung ang magiging mayorya ay galing sa cadets, na aasahan ng team—lalong lalarga ang mga talento ng mga batang manlalaro.

KUROT SUNDOT
ni Alex Cruz

About Alex Cruz

Check Also

Pacquiao vs Barrios

Pacquiao magbabalik sa ibabaw ng ring

ni Marlon Bernardino MULING sasabak sa ibabaw ng ring si Manny Pacquiao matapos ang apat …

World Slasher Cup 2025

World Slasher Cup-2 first day elims, sasyapol na

SASAGUPA ngayong araw ang mga bigating sabungero mula sa iba’t ibang panig ng mundo para …

Rizal Memorial Football Field, opisyal nang FIFA Quality Pro

Rizal Memorial Football Field, opisyal nang FIFA Quality Pro

ANG FOOTBALL field ng Rizal Memorial Sports Complex ay opisyal nang kinilalang FIFA Quality Pro …

Kaogma Collision 2

Kaogma Collision 2 sisiklab

MULING magpapasiklab ang Universal Reality Combat Championship (URCC) mixed martial arts sa Kabikulan ngayong katapusan …

Richard Bachmann PSC Batang Pinoy 2025

GenSan host ng Batang Pinoy 2025

OPISYAL nang inihayag ng Philippine Sports Commission (PSC) na gaganapin ang Batang Pinoy 2025 sa …

Leave a Reply

Your email address will not be published. Required fields are marked *