Monday , July 22 2024
Kurot Sundot ni Alex Cruz

Aklat sa Plaridel elementary school pinapa-xerox na lang

KAMAKAILAN ay nagbigay ng paniniguro ang dating  DepEd secretary Armin Luistro na handa ang kagawaran sa pagpasok ng GRADE 11 ngayong taon.

May sapat daw na classrooms, teachers, mga gagamiting libro,  etc., etc  sa nasabing grade.  Siyempre, kasama na sa assurance na iyon ang Kinder hanggang Grade 6 at ang Junior High School.

Bagama’t maraming report na nagkakagulo ang enrolment sa Grade 11, at maraming estudyante ang hindi na sumampa sa Senior High School, tuloy ang buhay sa mga pampublikong paaralan.

Pero teka… mukhang diskarel ang binitawang salitang iyon ng dating Secretary Luistro. Dahil dito sa Plaridel Elementary School na nasa pagitan ng Lico St. at Pampanga St. ay dismayado ang mga magulang sa kakulangan ng libro partikular sa GRADE 1.

Reklamo sa atin ng mga magulang/guardians ng mga mag-aaral sa Grade 1 dito sa Plaridel ay walang naibigay na libro sa mga batang mag-aaral  partikular dito sa tinuturuang section ni Ma’m Tintin Almelon.

Sa halip daw na mabigyan ng kanya-kanyang libro ang mga bata ay pinasi-XEROX na lang daw ang mga libro.

Apat na libro po ang pinagtiyagaang ipa-photo copy bawat pahina ng mga magulang. Ito po ay ang mga aklat na EDUKASYON SA PAGPAPAKATAO, MATHEMATICS, MTB-MLE at ARALING PANLIPUNAN.

Anak ng huweteng. Panibagong gastos ito sa mga naghihikahos na Pilipino.    At dagdag pa sa sakripisyo at kalbaryo ng mga magulang ang pagpapa-BOOK BIND ng  na-xerox na mga pahina ng aklat para magmukhang libro.

Puwede po bang pakisilip ang problemang ito sa bagong pamunuan ng Department of Education na pinamumunuan ngayon ni SECRETARY LEONOR BRIONES?

KUROT SUNDOT – Alex Cruz

About Alex Cruz

Check Also

Eric Buhain Speedo tilt sa RMSC, PH sasabak sa AOSI tourney

Speedo tilt sa RMSC, PH sasabak sa AOSI tourney

INIHAYAG ng Philippine Aquatics Inc. (PAI) sa pakikipagtulungan ng Speedo Philippines ang pagdaraos ng 2024 …

National University NU Lady Bulldogs SSL National Invitationals

NU Kampeon sa SSL National Invitationals

IGINAWAD nina Philippine Sports Commission (PSC) Commissioner Fritz Gaston at Vicente Gregorio President/CEO ng Shakey’s …

PBA draft 2024 Justine Baltazar

Justin Baltazar, no.1 pick sa PBA Season 49 Draft

PINILI ng Converge Fiberxers team si Justine Baltazar, 27 anyos, 6-foot-9 UAAP Champion noong 2016, …

Shakey’s Super League National Invitational inilunsad

Shakey’s Super League National Invitational inilunsad

INIHAYAG ni Vicente L. Gregorio, Shakey’s Pizza Asia Ventures Inc. (SPAVI) President/CEO (may mikropono) ang …

Tristan Jared Cervero Chess

Cervero naghari sa Marikina chess tournament

Marikina City — Naghari si Tristan Jared Cervero, isa sa mga nangungunang manlalaro ng Ateneo …

Leave a Reply

Your email address will not be published. Required fields are marked *