Wednesday , May 29 2024

Gilas lumipad na pa-Jakarta

LUMIPAD na ang pam­bansang koponan na Gilas Pilipinas patungong Jakarta, Indonesia kahapon para sa 18th Asian Games nang hindi kasama ang pambatong si Jordan Clarkson.

Hindi pinayagan ng National Basketball Asso­ciation (NBA) ang guwardiya ng Cleveland Cavaliers na makapaglaro para sa Filipinas sa Asian quadren­nial meet na nakatakda mula 18 Agosto hanggang 2 Setyembre.

“The NBA’s agreement stipulates that NBA players can participate in the Olympics, the FIBA Basket­ball World Cup, Continental Cup competitions and as­sociated qualifying tour­naments,” saad ng NBA sa opisyal na pahayag na inila­bas kahapon sa pama­magitan ni spokesman Tim Frank.

“Because the Asian Games are not one of those competitions, NBA players are unable to participate. In accordance with the NBA’s agreement with FIBA, Jordan is welcome to represent the Philippines in the agreed-upon competitions.”

Matatandaan noong Biyernes ng gabi inianunsyo ni head coach Yeng Guiao ang pagkakasama ni Clarkson sa final 12 roster ng koponan na sasabak sa Asiad.

Sa parehong araw din ay napag-alaman nina Guiao at ng Samahang Basketbol ng Pilipinas na inapbrobahan na rin ng Indonesia Asian Games Organizing Com­mittee (INASGOC) at Olympic Council of Asia (OCA) ang eligibility ng Filipino-American na si Clarkson.

Ngunit nauwi sa wala ang lahat ng iyon dahil hindi pumayag ang NBA.

Sa kabila nito, tiwala si Guiao na lalaban ang bansa sa abot ng makakaya kahit wala si Clarkson.

“Siyempre, malungkot na wala si Jordan Clarkson,” aniya. “Pero handa kami with or without him. We’ll represent the country to the best of our ability. “

Sasandal si Guiao kina Stanley Pringle, Paul Lee, Chris Tiu, Maverick Ahanmisi, James Yap, Gabe Norwood, Beau Belga, Raymond Almazan, Chris­tian Standhardinger, Asi Taulava at JP Erram.

Ngunit 11 manlalaro lang ito bunsod ng pagkawala ni Clarkson kaya’t susubok sina Guiao at ang SBP na ipalit si Don Trollano sa line up sa gaganapin na managers’ meeting ngayong araw sa Jakarta.

Gayonpaman, payagan man o hindi si Trollano na pumalit kay Clarkson ay nangako si Guiao ng mag­iting na laban mula sa kanyang mga natitirang manlalaro.

ni John Bryan Ulanday

About John Bryan Ulanday

Check Also

Henry Roger Lopez Chess

Panabo Knights Chess Club nanguna sa ACAPI chess winners

MANILA — Inihayag ni ACAPI (Association of Chess Amateurs in the Philippines, Incorporated) President Arena …

Lala Sotto MTRCB

PVL ipinatawag ng MTRCB, code of ethics babalangkasin

SUPORTADO ng Movie Television Review and Classification Board (MTRCB) ang hakbang ng Premier Volleyball League (PVL) na bumalangkas ng …

Richard Villaseran Michael Jan Stephen Rosalem Iñigo

5 King’s Gambit Online Chess School bets kalipikado sa Palarong Pambansa

MANILA — Ipinakita ng King’s Gambit Online Chess School ni Coach Richard Villaseran kung bakit …

Benhur Abalos Hopeful Stakes Race bida si Amazing

Hopeful Stakes Race bida si Amazing

ni Marlon Bernardino NAGING sentro ng atraksiyon ang kabayong si Amazing matapos mamayagpag sa 2024 …

Sasabak sa SEABA qualifiers SUPORTADO NI CAYETANO GILAS PILIPINAS UNDER-18 WOMENS BASKETBALL TEAM

Sasabak sa SEABA qualifiers
SUPORTADO NI CAYETANO GILAS PILIPINAS  UNDER-18 WOMEN’S BASKETBALL TEAM

MANILA, Philippines – Buo ang suporta ni Senator Pia Cayetano sa koponan ng Gilas Pilipinas …

Leave a Reply

Your email address will not be published. Required fields are marked *