Mike, babalik ng GMA pagkatapos maoperahan

NAKA-MEDICAL leave pala si Mike Enriquez kaya hindi siya napapanood sa GMA news o naririnig sa DZBB. Ito ang inihayag niya kamakailan.

Aniya, ginagamot siya sa kanyang karamdamang kidney na minana sa kanyang ama at sasailalim sa operasyon sa puso sa September.

“Ayon sa aking mga doktor, makababalik ako sa aking normal na trabaho, mga dalawa o apat na linggo pagkatapos ng operasyon. Pinayuhan akong magpahinga, magpalakas para makaiwas sa anumang emergency hanggang ako ay maoperhan na.”

Bagamat hindi nakakapag-news, natutupad pa rin niya ang pagiging Presidente ng RGMA Network bilang consultant.

“Nagpapasalamat po ako sa mga suporta lalo na sa mga nagdarasal sa aking paggaling. Magagaling at maalaga ang aking mga doktor at napakabait po at mapagmahal ng Poong Maykapal. Babalik po ako,” pangwakas nito.

STARNEWS UPLOAD
ni Alex Datu