Jojo at Lovely, magbibigay ng kakaibang kulay sa umaga

ISANG tele-magazine show ang hatid ng tambalang Jojo Alejar at Lovely Rivero ang matutunghayan tuwing Biyernes, 6:00-7:00 a.m., ang Ronda Patrol, Alas Pilipinas sa Umaga handog ng Pilipinas Multi-Media Corporation Inc..

Kumbaga, makakasama na ninyo ang tambalang ito sa inyong pagkakape tuwing umaga.

Layunin ng programang ito mula sa TV5 na ipaalam ang mga nangyayari sa Pilipinas, makatulong, at makapagpasaya.

Kasama rin dito sina Lad Augustin, Loy Oropesa, at Joey Sarmiento.

Ayon kay Jojo, ”Those issues na makatutulong, makapagpapasaya, at makapagpapasagana ng ating kabuhayan ang tatalakayin namin dito.

“Ang maganda pa, we are open to everyone and everything to make the show interesting.”

Sinabi pa ni Jojo na, “In fact ‘yung mga initial na ginawa namin, mayroon kaming guest from the construction industry, from online industry.

We are looking forward to having media people to help us out. So it’s open to everyone.

Masaya naman si Lovely na naging parte siya ng show. “Hosting is something na hindi masyadong alam ng mga tao na ginagawa ko. But it’s something that I love to do.  And I’m so grateful that I’m doing it again now. So thank you to our producers and to Jojo also. Masarap din ‘yung nagho-host kasi iba naman, you learned a lot being host, and of course, you will be able to contribute to the show itself.”

Malaki naman ang tiwala ng Alas Pilipinas Multi Media Corp Inc., kina Jojo at Lovely kaya sila ang kinuha nila dahil sa pagkakaroon ng mga ito ng vibrant personality, nakakapag-prodyus ng fast-paced environment, at napatunayan na ang pagkakaroon ng strong leadership at social media skills.

Kapaki-pakinabang din ang show dahil bukod sa nakae-entertain, family friendly din ito, educational, informative, at good enhancer. Ilan lamang ito sa mga katangian ng isang show para panoorin at tutukan ng viewers. 

SHOWBIZ KONEK
ni Maricris Valdez Nicasio