HATAW! D'yaryo ng Bayan hatawtabloid.com
HINDI pa ba nale-let go ni Vice Ganda ang basketbolistang si Terence Romero na matinding natsismis noon na nakarelasyon n’ya?
Maraming netizens ang ganoon ang kongklusyon nang mapanood nila si Vice na biglang nag-dialog kay Vhong Navarro sa It’s Showtime ng ABS-CBN 2 noong Huwebes ng tanghali, ”Kumusta presinto?”
Noong Miyerkoles kasi ng gabi, naglabasan sa news programs ang pagdadala sa isang presinto kay Terence at ilang mga kaibigan n’ya dahil sa umano’y pagkakasangkot nila sa isang gulo sa isang bar sa Tomas Morato Avenue, QC.
Sa ilang newscast ay ipinakitang galing sa presinto si Terence at parang buong pagmamalaking nagsasabi sa kamera na, ”Hindi ako nakulong. Hindi ako nakulong.”
Ang mga netizen mismo ang nag-text sa entertainment website ng PEP noong Huwebes ng hapon na ang basketbolista ang pinariringgan ni Vice sa misteryosong biglang-tanong n’ya kay Vhong.
Sila rin ang nag-conclude na ‘di pa nale-let go ni Vice si Terence.
Nag-dialog din si Vice kay Vhong ng, ”Hindi naman totoong nagiging magkaibigan ang ex.”
Diin pa ni Vice, ”Magkakilala lang kayo, ayos kayo, pero ‘di kayo magkaibigan.”
KITANG-KITA KO
ni Danny Vibas
