Friday , April 11 2025

4 tigbak sa ininom na libreng alak

IRIGA CITY, Camarines Sur – Apat na lalaki ang magkakasunod na binawian ng buhay makaraan malason ng ininom na alak sa Sitio Tubigan, Brgy. Sta. Maria sa lungsod na ito, noong Biyer­nes.

Kinilala ang mga bikti­mang sina Reggie Oliveros, Edwin dela Cruz, Luis Nico­las Jr., at Sonny Castillo, pa­wang nalagutan ng hininga makaraan uminom ng libreng alak.

Salaysay ni Dominador Taduran, pito silang uminom sa bahay niya alas-tres ng hapon noong Biyernes.

Galing umano sa nagpa­kilalang chemist na isang Eng. Glenn Castillo ang mixed drink na ininom nila.

Nagbebenta rin ng umano si Castillo ng pro­duktong fertilizer at remi­neralizing drops.

“Nagtitimpla daw siya ng stateside na inumin. Nagtimpla siya sa loob ng van. Sabi niya, tikman mo, sabi ko matapang. ‘Yung mga namatay, nalaman nila, balik-balik sila,” ani Taduran.

Nagbabala umano si Castillo na tatlong araw ang epekto ng inomin nila at hindi dapat masobrahan nito.

Unang nakitang page­wang-gewang sa tabi ng kalsada si Oliveros, 38, Linggo ng hapon.

Ayon sa mga nakakita, akala nila lasing lang at nakadapa sa kalsada ngunit patay na pala.

“Gusto lang namin mala­man kung ano ang laman ng ininom nila,” anang kaanak ni Oliveros.

Sumunod na namatay nitong Lunes sina Dela Cruz at Nicolas habang binawian din ng buhay si Sonny Castillo sa ospital Martes ng gabi.

“Kinabahan ako kasi baka ako naman ang susu­nod,” ayon kay Avelino Paya, isa sa mga nakainom din ng alak.

Ayon umano sa doktor, nakitang sunog na ang baga at tiyan ni Castillo.

Nakakuha ang pulis Iriga ng sample ng alak na ininom ng mga biktima at isa­sailalim ito sa eksaminasyon.

About hataw tabloid

Check Also

Kerwin Espinosa

Self-confessed drug lord Kerwin Espinosa na tumatakbong alkalde sugatan sa pamamaril

ANG SELF-CONFESSED drug lord na si Kerwin Espinosa, na kasalukuyang tumatakbo sa pagka-alkalde ng Albuera, …

Hepe ng BENRO kinilala ang papel ng mga kawani sa tagumpay ng tanggapan

Hepe ng BENRO kinilala ang papel ng mga kawani sa tagumpay ng tanggapan

SA LAYUNIN na itaas ang moral ng mga empleyado at kilalanin ang kanilang mahalagang kontribusyon …

PRC LET

Specialized Licensure Examinations tugon sa Teacher-Subject Mismatch

IKINATUWA ni Senador Win Gatchalian ang paglagda ng isang joint memorandum circular sa pagitan ng …

Chiz Escudero Imee Marcos

Imee desmayado sa ‘di paglagda ni SP Chiz sa contempt order vs special envoy

DESMAYADO si Senadora Imee Marcos, chairman ng Senate committee on foreign relations, nang hindi lagdaan …

Vince Dizon DOTr

Ngayong Semana Santa
Ligtas at maginhawang paglalakbay tiniyak ng DOTR

TINIYAK ni Department of Transportation (DOTr)  Secretary Vince Dizon sa publiko ang maayos at ligtas …

Leave a Reply

Your email address will not be published. Required fields are marked *