‘Walk of shame’ mayor itinumba

BINAWIAN ng buhay si Tanauan Mayor Anto­nio Halili ng Bata­ngas, kilalang nagpapagawa ng “walk of shame” sa mga suspek ng krimen maka­raan barilin habang may flag ceremony, nitong Lunes.

Si Halili, iba pang city halls officials at mga empleyado ay umaawit ng pambansang awit sa Tanauan city hall nang makarinig ng isang putok ng baril na ikinataranta ng mga tao, ayon sa ipina­kitang video ng local information office.

Ayon sa pulisya, binaril ng hindi kilalang gunman si Halili sa dib­dib. Ang alkalde ay idi­neklarang dead on arrival sa CP Reyes Medical Center, ayon kay Cala­barzon police director, C/Supt. Edward Carranza.

Ang gunman ay ma­aaring nakaposisyon sa damuhan, 150 ang layo mula sa city hall, ayon kay Carranza.

Agad kinordon ng pulisya ang lahat ng exit points sa village at nag­buo ng special inves­tigative task group para tugisin ang suspek.

Naging laman ng mga pahayagan si Halili noong 2016 dahil sa pagpa­parada sa drug suspects sa publiko.

Gayonman, maging siya ay kabilang sa listahan ng high-value drug targets ng pulisya at naging puntirya ng “Oplan Tokhang.”

Itinanggi ni Halili ang alegasyong sangkot siya sa ilegal na droga.

Noong 2017, nawala ang superbisyon niya sa pulisya, kabilang ang ilang opisyal na inaku­sahan ng pagkakasangkot sa narcotics trade.