Emma Cordero, may series of shows sa US

MATA­GUMPAY ang naging birthday concert ni Emma Cordero na ginanap last Friday sa Ka-Freddie’s Music Bar.

Ito ang kauna-unahang pagkakataon na nag-celebrate si Ms. Emma ng kanyang birthday ng almost one month. Bago siya umalis ng Japan, nagkaroon din siya roon ng series of birthday concert. Dedicated niya ang lahat ng concert niya sa kanyang mga tinutulungang kabataan.

Isa sa birthday wish ni Ms. Emma na lumaki ang school niyang Our Lady of Fatima School sa San Pedro, Laguna. Nasa school na iyon ang mga scholar niya simula Nursery hanggang High School. Gusto niyang  magkaroon na rin ng kolehiyo rito para mas marami siyang mapag-aral.

Nagtungo si Ms. Emma sa Amerika noong June 27 dahil may show at fundraising  for the construction  of Filipino Cultural Center sa LA. At sa June 29, tutungo siya sa Las Vegas.

Lagari sa mga hotel sa Las Vegas si Emma dahil may show siya sa mga kababayan natin sa Nevada. May show sa ibang venue roon sa July 3, 4, 6, at sa July 8 ang balik niya sa Japan.

MATABIL
ni John Fontanilla