Duterte may ‘gag order’ sa speech

READ: Tulong ni Evasco ikinasa sa dialogo sa simbahan

READ: Pray over ‘di tatalab kay Digong — Solon

READ: Oath of office nilapastangan ng pangulo

MANANAHIMIK muna si Pangu­long Rodrigo Duterte sa pagbatikos sa mga pari at Simbahang Katolika.

Ito ang ‘gag order’ na tila inamin ng Pangulo sa kanyang talumpati sa Panglao, Bohol sa 25th National Convention ng Vice Mayors League of the Philippines kahapon.

Tinukoy ng Pangulo ang paborito niyang basahin na bersikulo sa Biblia halos araw-araw na pamantayan niya sa pansamantalang panana­himik, ang Ecclesiastes 3: “For every season there is always a time under the sun. There’s a time to be calm, there’s a time to be silent, there’s a time to be poignant, a time to be subdued, and a time to be vicious.”

“I will just keep my silence for I want to see how the nation reacts,” aniya.

May ‘nota bene’ ani­yang nakasulat sa kanyang prepared speech na nagpaalala sa kanya na huwag siyang magmu­ra at maghanap ng away sa mga pari.

“Sabi dito, ‘Mr. President, we are live on TV and on Facebook. Huwag kang magmura. Huwag kang maghanap ng away sa mga pari,’” anang Pangulo.

Sabi ng Pangulo, naging ugali na niya ang magsalita ng kung ano-ano upang subukan ang magiging reaksiyon ng publiko.

“And for now, I will just keep my silence for I want to see how the nation reacts. Kumbaga I’m shaking the tree. If you would notice me every now and then, either national or local, ginugulo ko talaga ‘yung puno,” paliwanag niya.

Umani nang pagbati­kos ang sunod-sunod na kritisismo ni Duterte sa mga pari, Simbahang Katolika at pagtawag niyang estu­pido sa Diyos.

ni ROSE NOVENARIO