2 drug personality todas sa ambush

BINAWIAN ng buhay ang dala­wang lalaki maka­raan pagbabarilin ng hindi kilalang mga suspek na sakay ng motor­siklo sa Tabuk City, Kalinga, kama­kalawa.

Kinilala ng puli­sya ang mga bik­timang sina Silver Calezar Puquin, dati nang napasama sa Oplan Tokhang, at Dexter Busnig.

Ayon sa mga saksi, narinig nila ang sunod-sunod na putok ng baril at pagkaraan ay nakita  nilang nakahandusay ang mga biktima sa daan.

Narekober ang apat na basyo ng caliber .45 sa lugar ng insidente.

Patuloy ang imbestigasyon ng mga awtoridad sa nasabing pamamaril at pinaghahanap ang mga suspek.