P41.50 dagdag-sahod sa Western Visayas aprobado

APROBADO ng Regional Tripartite Wages and Productivity Board ang P41.50 dagdag sahod pa­ra sa mga mangga­gawa sa Western Visayas.

Ang P26.50 dito ay dagdag sa basic pay ha­bang ang P15 ay dagdag sa cost of living allowance (COLA).

Kaya mula sa P323.50, magiging P365 ang mimimum wage sa naturang rehiyon.

Sakop ng dagdag sa­hod ang mga mangga­gawa mula sa non-agri­cul­tural, industrial, at commercial establish­ments na may mahigit 10 empleyado.

Para sa mga may sampu o mas mababang empleyado, P23.50 ang dagdag na sahod kaya P295 na ang suweldo nila kada araw.

Para sa plantation at non-plantation agricul­tural establishments, P295 rin ang magiging minimum wage.

“I asked the labor sector [and] I asked the management, doon na pumasok ang haggling ng amount… Sabi ng labor we can allow that amount,” paliwanag ni Johnson Cañete, regional director sa Department of Labor and Employment-Western Visayas.

Ngunit ayon sa General Alliance for Work­ers Association, hin­di sapat ang halaga dahil malayo ito sa P130 hang­gang P150 na nakasaad sa petisyon ng Philippine Agricultural, Commercial and Industrial Workers Union – Trade Union Congress of the Philip­pines.

Batay sa ilang pro­bisyon ng wage order, sa Nobyembre pa epektibo ang dagdag na sahod sa Aklan dahil sa pagsasara ng Boracay.

Habang sa mga lugar na umaasa sa sugar in­dustry, ang COLA ad­just­­ment ay ipatutupad sa pagbalik ng milling season.

Bukas ang wage board sa anomang apela hinggil sa nasabing dag­dag-sahod.