HATAW! D'yaryo ng Bayan hatawtabloid.com
WALA kaming idea sa pelikulang gagawin ni Piolo Pascual na may kinalaman sa giyera sa Marawi City. Hindi namin alam kung sinimulan na o sisimulan pa lang.
Bilang isang Muslim, hindi kami pabor sa paggamit ni Piolo sa aming fasting month, ang Ramadan na kailangan niyang maranasan ang pinagdaraanan ng mga kapatid na Muslim.
Ang fasting ay isa mga fundamentals of Islam kaya obligasyon ng bawat Muslim na gawin ito. Pero may ‘exception to the rule’ ika nga roon sa may karamdaman. Bawal din ito sa mga babaeng may monthly period.
Pero may panahong nakalilimutan mo na nagpa-fasting ka at nakainom ka ng tubig o nalunok mo ang laway mo o nakapagmura ka. Awtomatikong mawawala ang bisa ng fasting mo sa araw na ‘yon pero puwede pa ring ipagpatuloy sa susunod na araw hanggang matapos ang buwan ng Ramadan.
Sa puntong ito, natanong namin kung kailangan ba ni Piolo na mag-fasting? Magtanong-tanong na lang siya at marami na siyang malalaman tungkol sa kulturang ito ng mga Muslim. Hindi ganoon kadali ang mag-fasting kung hindi nito kaya ang hindi kumain mula sunrise to sunset. Kaya ba nitong hindi uminom ng tubig lalo pa’t sobrang init ngayon?
Alam din ba nitong bawal tumitig sa babae at lalong bawal ang makipag-sex from sunrise to sunset?
Sa ginagalawang mundo ni Piolo, hindi puwedeng wala siyang babaeng makakausap o makakahagikgikan sa buwan ng Ramadan. Kung Muslim ka, dapat magdasal ka ng limang beses sa isang araw. At dahil mapera naman ang aktor, gawin niya ang ginagawa ng mga mayayamang Muslim na nagpapakain ng mga nagpa-fasting pagdating ng Saul, ito ang oras ng pag-break ng fasting pagdating ng paglubog ng araw.
Kung kami kay Piolo, magtanong-tanong din siya dahil maraming nakapansin na pumapayat ito at ang itinuturong dahilan ay ang pagpa-fasting.
Ang tanong, may nag-utos ba sa kanya to do what the Muslims do on Ramadan?
Sa paggawa ng Marawi movie, maayos lang nitong maisalin sa wide screen, walang dahilan na hindi susuportahan ng mga Muslim worldwide.
STARNEWS UPLOAD
ni Alex Datu
