HATAW! D'yaryo ng Bayan hatawtabloid.com
READ: Fiscal sibak sa US$10-M Okada estafa cases
READ: ‘Whitewash’ sa Okada case leakage pinalagan
READ: Piskal lagot sa DOJ (Sa leak ng ‘lover’ ni Okada)
READ: Piskal ipinahamak ng ‘lover’ ni Okada
HINAHAMON si Justice Secretary Menardo Guevarra na panindigan ang kanyang pangako na ibabalik niya ang tiwala ng publiko sa justice system sa pamamagitan ng pagsibak sa mga opisyal ng Department of Justice na pinaniniwalaang sangkot sa katiwalian.
Nais ng Okada Manila na mawala ang top prosecutor ng DOJ sa US$10-million estafa cases laban sa Japanese gaming mogul na si Kazuo Okada na ang hurisdiksyon ay kinuha na ni Guevarra.
Sa isang mosyon, hiningi ng Tiger Resorts Leisure & Entertainment Inc. (TRLEI) na mag-inhibit si Acting Prosecutor General Jorge Catalan na pinuno ng National Prosecution Service (NPS) sa paghawak o pag-atas sa prosecutor na mag-iimbistiga sa mga kasong estafa laban kina Okada at Takahiro Usui.
Nitong Martes ay sinabi ni Guevarra na kinuha na ng justice department ang hurisdiksyon sa naturang estafa cases mula sa City Prosecutor ng Parañaque, na nakabinbin mula pa noong isang taon.
Inatasan din niya ang National Bureau of Investigation (NBI) na imbestigahan ang leak ng mga resolusyon ni Parañaque City Prosecutor Amerhassan Paudac sa social media accounts ng Korean girlfried ni Okada na si Chloe Kim bago ito opisyal na mai-release sa mga partido.
Bilang pinuno ng NPS, sinabi ng TRLEI na si Catalan, bilang concurrent City Prosecutor rin ng Makati City, ay dapat mag-inhibit sa paghawak at pag-atas ng mga prosecutor na hahawak sa mga kaso upang maiwasan ang mga hinala na may partiality at bias laban sa complainant.
Si Catalan ang nag-apruba ng pagbasura sa kasong illegal drugs laban sa negosyanteng si Peter Lim, Kerwin Espinosa at 20 iba pang mga suspek.
Ayon sa mga report, nagalit si Pangulong Duterte dahil sa pagkakadismis sa mga illegal drugs charges. Sinabi rin sa naturang report, siya ang dahilan kung bakit napalitan si Vitaliano Aguirre II bilang DOJ secretary.
Sa pag-inhibit ni Catalan, sinabi ng TRLEI na bilang Makati City prosecutor, nauna na siyang sumablay sa pagbasura sa criminal complaint for three counts of perjury laban kina Okada at Usui na kapwa respondent din sa mga kasong estafa na nakasampa sa Parañaque prosecutors’ office.
”TRLEI seriously doubts Catalan, if made to act in the (estafa) cases likewise involving the same parties and related issues, can act with the required objectivity and impartiality. As such, Catalan must inhibit himself from resolving the (estafa) cases or designating the prosecutor who would take over the cases,” ayon sa mosyon.
Noong isang taon, nagsampa ng reklamo ang TRLEI para sa three counts of perjury laban kina Okada at Usui sa City Prosecutor of Makati City.
Ngunit noong 19 Marso 2018, sablay na ibinasura ang perjury complaint ng Office of the City Prosecutor sa tulong ng approval ni Catalan. Ito ang dahilan kung bakit nagsampa ang TRLEI ng petition for review sa DOJ upang kuwestiyonin ang resolusyon ni Catalan.
“To erase all doubts and to promote the ends of justice, Catalan has no other judicious recourse except to inhibit himself from the cases, if and when called to resolve the same or select the prosecutor who would take over the case,” pahayag ng TRLEI.
Idinemanda ng TRLEI si Okada dahil sa unauthorized disbursements ng mahigit US$10 milyong pondo ng nasabing kompanya. Nahaharap din siya sa iba pang mga kaso sa South Korea, Hong Kong at Japan.
(HNT)
