Atom, dahilan ng paglayas ng ilan sa news network?

KUNG kailan hindi na palabas ang kanyang pelikula, na hindi rin naman yata kumita, at saka lalong natatabunan ng controversy si Atom Araullo. Sa totoo lang, hindi maganda ang naging pagsasagutan nila ng director na si Mike de Leon sa social media. Ano man ang sabihin ni Atom, hindi maikakaila na ang tingin ng mga nasa industriya si direk Mike ay isang henyo, samantalang siya ay isang baguhan lamang.

Mas maganda pa nga sana kung nanahimik na lang siya eh, at least tapos na. Eh kaso sumagot pa siya, lalong naging matindi naman ang naging sagot sa kanya. Mukhang ill advised nga iyang si Atom.

Lumalabas na rin ngayon na nagkakaroon ng discontent ang ibang mga news personalities ng GMA 7 dahil masyadong nabibigyan ng proyekto si Atom, kahit na napatunayan na naman nila through the years na mas magaling sila. Siya kaya ang dahilan sa paglayas ng ilan sa news network?

HATAWAN
ni Ed de Leon