Pelikula ni Atom, nakahihinayang

SAYANG, magandang pelikula pa naman sana ang naging unang pelikula ni Atom Araullo. Pinupuri iyon ng mga kritiko, but sad to say sigurado nang hindi kikita ang pelikula. Nakahihinayang dahil kung hindi kikita ang pelikula, lugi ang producer niyon, at dahil diyan, si Atom ay branded na rin bilang star ng isang pelikulang nag-flop.

Pero alam naman siguro nila iyon from the start. Iyan namang mga ganyang pelikula ay hindi kumikita talaga. Hindi iyan indie, malaki ang budget niyan. Pero ang tingin kasi ng mga tao sa ganyang pelikula ay indie na rin. Siguro mas may chance iyan kung sikat na actor ang bida at hindi si Atom. Mabigat kasi ang kuwento, dapat may artistang magdadala naman ng pelikula.

HATAWAN
ni Ed de Leon