Aktor, nasa listahan ng Narco

KABILANG pala sa expanded Narco list ang isang male star. Hindi kami magtataka kung isang araw ay mabalitaan na lang natin na nadampot siya ng pulisya. Sana naman huwag na siyang manlaban.

Ilang ulit naming nakasalubong ang male star na iyan sa isang up scale mall, naglalakad mukhang tulala at wala sa sarili. Hindi puwedeng lasing lang iyon eh. Iba ang kilos ng lasing kaysa bangag. Nagtitinginan sa kanya ang lahat ng nakakasalubong niya, alam kasi nila bangag.

Sinita pa nga namin ang security ng mall, dapat kung ganoon huwag na nilang papasukin. Ang katuwiran naman nila, nanggaling siya sa basement parking ng mall kaya hindi na masyadong napansin.

Hindi namin alam kung ano ang problema ng male star. Supposed to be ay maganda naman ang takbo ng kanyang career. Kung paniniwalaan ang sinasabi ng mga tao, masaya naman siya maging sa kanyang love life. Kaya iisipin mo rin, ano nga kaya ang dahilan at nagbabangag pa siya?

Mayroon pa kaming narinig diyan, dahil daw sa pagbabangag, minsan natiyempuhan na iyan ng isang bading, at alam na ninyo kung ano ang nangyari, but that is another story to tell. Sana mag-ingat na lang siya, at kung sakaling mahuli, huwag na huwag magtatangkang lumaban. (Ed de Leon)