HATAW! D'yaryo ng Bayan hatawtabloid.com
ANG pagkanta ang pinagkakaabalahan ngayon ng talented na young recording artist na si Erika Mae Salas. Sa ngayon ay mapapanood ang 16 year old na si Erika Mae sa series of mall tours ni Nick Pera Perez na pinamagatang NVP Philippines 2018 I Am Ready Album Mall Tours.
Kuwento ni Erika Mae, “Actually po, kasama po ako sa lahat ng shows ni sir Nick, kaya lang po may prior commitments po ako sa ibang dates. Pero na-inform naman po namin si sir Nick beforehand. Ang mga forthcoming shows pa ng NVP Team ay May 18 sa Bulacan po, May 23 nasa Farmers, Cubao po kami, at sa May 24 po ay nasa Ali Mall po yata.
“We started last May 11 po at halos araw-araw ang show kaya medyo wala pong pahinga. Tatlo po kaming guest performers, ang Soul of One, si Ms. Queen Rosas, and me po, tapos may mga front acts din po. I do sing two songs po every show. I am truly blessed and honored po to be a part of Sir NVP’s I Am Ready album mall tour.”
Ano ang masasabi niya kay Nick? “Napakabait and very lovable po ni sir Nick. For me po, he is a God sent angel na ang tasks is to spread love to humanity. Nakakahawa po ang positive vibes niya. He always makes everyone feel important po.
“If given a chance po, I would love to do a cover of his song My Mom. Napakaganda po kasi ng mensahe ng kanta, very heartwarming,” aniya pa.
Dagdag pa ni Erika Mae, “Apart from this schedules, I am busy rin po sa mga rehearsals ng Grand Music Palace Recital which will be held sa Teatrino on June 16. Ang title po nito ay Retrospectacular! GMP 11th Year Concert po ang title, featuring the students of GMP (Grand Music Palace Philippines) po.”
Sa ngayon ba, sa pagkanta ka naka-focus or wish mo rin lumabas sa movie or teleserye? “Kung ano po siguro ang dumating tito,” nakangiting saad niya.
Pero, enjoy ka naman na sa singing ang focus mo? “Yes po tito, wala po kasing gaanong pressure sa singing,” saad pa ng magandang singer.
ALAM MO NA!
ni Nonie Nicasio
