HATAW! D'yaryo ng Bayan hatawtabloid.com
PORMAL nang naghanap ang World Natural Bodybuilding Federation (WNBF) Philippines para sa mga male at female competitors para sa 2018 WNBF Philippine First Amateur Championship na mangyayari sa Hunyo 9 sa Johnny B. Good sa Makati City.
Ang WNBF Philippines ay kinakatawan ng mga international fitness gurus na sina Chris Byrne at Mitch Byrne, na kilala bilang dalawa sa pinaka-mahuhusay na Filipino-Canadian fitness icons sa North America ngayon.
Naglalayon ang Philippine affiliation ng WNBF na i- promote ang natural bodybuilding sa bansa at ipakita na hindi kailangan ng mga atleta ang steroids o iba pang mga mapanganib at ilegal na mga gamot para lumakas at gumanda ang kanilang mga katawan. Si Mitch Byrne, na isang dating beauty queen at ngayon ay matagumpay nagym owner, personal trainer, at professional bikini competitor ay nagdesisyon na dalhin ang organisasyon sa Pilipinas sapagkat alam niyang magugustuhan ng publiko ang isang kompetisyon na talaga namang drug-free at binibigyang parangal ang mga atleta para sa kanilang commitment at sacrifice sa tamang nutrisyon at consistent at natural na training.
Mula noong 1990, binibigyang halaga ng WNBF ang pinaka-mataas na standard sa pag-promote ng istriktong drug-tested, professionally produced bodybuilding and physique sa buong mundo. Ang backbone ng reputasyon ng WNBF ay ang istriktong pagsunod sa drug testing. Kailangang sumailalim ang mga atleta sa polygraph at ang mga papasa naman ay sasailalim sa urinalysis. Mahalaga sa organisasyong ito na pantay-pantay ang mga atleta sa worldwide events nito.
With top foreign judges mula sa Canada at Amerika, kasama na rito sina Tina Smith at Bob Bell, president at bise president ng WNBF, na parent organization, marami nang amazing competitors ang nais sumali mula sa bansa at sa iba’t ibang panig ng mundo. Kinontak na ng mga atleta mula sa South Africa, Korea, Spain, Canada, at Amerika ang WNBF Philippines para sa body building, physique, figure, at bikini categories.
Para sa mga gustong sumali bisitahin ang www.wnbfph.com.
