33 patay sa eleksiyon

NAKAPAGTALA ang Philippine National Police (PNP) ng 33 katao napatay sa hinihinalang election-related incidents sa buong bansa mula sa pagsisimula ng election period noong 14 Abril.

Hanggang 6:00 am nitong 14 Mayo, sinabi ni  PNP chief Director General Oscar Albayalde, nakapagtala sila ng kabuuang 35 suspected at pitong validated elec­tion related incidents.

Sa 42 incidents, 33 ang shooting, dalawa ang kidnapping, habang tig-iisa ang insidente ng strafing, arson, harass­ment, illegal detention, ambush, grave threats at grenade throwing.

Samantala, sa 33 indibiduwal na napatay, 18 sa kanila ang elected government officials, apat ang kandidato, tatlo ang dating elected govern­ment officials, dalawa ang supporters, at anim ang sibilyan.

Ang kabuuang bilang ng nasugatang indibidu­wal ay 26.

Sa bilang na ito, limang elected govern­ment officials ang suga­tan, dalawa ang kandi­dato, sampu ang sup­porters, at siyam ang sibilyan.

Sa tala, 42 kaso ang under investigation, anim ang nasa Prosecutor’s office, tatlo ang isinampa sa korte, at isa ang idi­nismis makaraan ihain.

Sinabi ng PNP chief, mayroong 126 suspects, 29 sa mga kinilala ang nakalalaya pa habang 82 hindi pa kilala ay naka­lalaya pa rin. Idinagdag niyang anim suspek ang nakakulong habang siyam ang pinalaya.