FPJ’s Ang Probinsyano, di pa rin matalo-talo

HINDI pa rin magapi sa lakas ang FPJ’s Ang Probinsyano ni Coco Martin dahil dalawang magkasunod na araw nang namamayagpag ito at tinalo ang bagong katapat na programa sa national TV ratings. Nananatiling pinakapinanonood na serye sa bansa noong Lunes (Abril 30) at Martes (Mayo 1) ang FPJAP.

Halos pulbusin sa rating ang katapat nitong The Cure na nakakuha lamang ng 17.9% rating sa national TV samantalang ang FPJAP ay mayroong 41.2% ayon sa datos ng Kantar Media. Hindi rin natinag ang  FPJ’s Ang Probinsyano hanggang Martes at nagrehistro ng 41.2%, samantalang 16.4% ang bagong katapat.

SHOWBIZ KONEK
ni Maricris Valdez Nicasio