Kyline Alcantara, Reyna Elena sa Santacruzan 2018 sa Binangonan

PATULOY sa paghataw ang showbiz career ng Kapuso young actress na si Kyline Alcantara. In demand ngayon si Kyline dahil sa magandang feed back sa GMA-teleserye nilang Kambal Karibal na tinatampukan din nina Bianca Umali, Pauline Mnedoza, at Miguel Tanfelix. Kaya madalas ang out of town shows at public appearance ni Kyline.

Sa darating na May 6, pangungunahan ni Kyline ang Santacruzan 2018 sa Binangonan, Rizal, kaya naman excited na ang young actress sa naturang event.

Pahayag ni Kyline, “Hi po sa mga Kapuso riyan sa Binangonan, magkita-kita po tayo sa Grand Santacruzan 2018, sa May 6 po. See you there guys!”

Inaabangan ng mga Pinoy ang buwan ng Mayo dahil sa tradisyon ng Santacruzan na pumaparada ang mga naggagandahang sagala at mga guwapong konsorte sa iba’t ibang komunidad. At sa ganitong okasyon, nagtatagisan ang mga mahuhusay na fashion designers sa kani-kanilang disenyong kasuotang pangsagala.

Sa ika-43 taon na pagdiriwang ng Santacruzan sa Brgy. Libid Binangonan, Rizal, muli itong pamamahalaan ni Gomer O. Celestial, kasama sina Bgy. Chairman Willie Cenal, John Jerusalem, Rico Colestial, Carlos Mesa, Leonardo Celestial, Gil Anore, Edgard Flores, Armin Arada, mga kagawad.

Ngayong taon, magbibigay kulay at sigla sa nasabing pagdiriwang ang fast rising bagets na GMA actress na si Kyline bilang Reyna Elena at ang print ad comercial model at member ng Star Magic Circle na si Patty Mendoza, Queen of May 2018.

Gagamitin nila ang gown na nilikha ng designer na si Rhemil Cerda. Sina John Robert Lobaton at JP Santos Arabit ang kanilang mga konsorte. Ito ay lalahukan din ng mga piling dilag ng nasabing bayan na pangungunahan ng mga nagwaging Mr. and Ms. Teen Binangonan 2018. Ito ay gaganapin sa Mayo 6, 2018, 7:00pm.

Panata ang turing sa Santacruzan ayon kay Gomer O. Celestial, project chairman, ang Santacruzan ay tampok sa Pista ng Krus sa Bgy. Libid.