HATAW! D'yaryo ng Bayan hatawtabloid.com
ARESTADO and isang babaing hinihinalang tulak ng ilegal na droga sa isinagawang drug buy-bust operation sa Caloocan City, kamakalawa ng gabi.
Kinilala ni District Drug Enforcement Unit (DDEU) C/Insp. Arnold Alabastro, ang suspek na si Lyn Eskak, 27, residente sa Brilliant View, Phase 2, Brgy. 171, Bagumbong ng nabanggit na lungsod.
Base sa imbestigasyon ni PO2 Jerome Pascual, dakong 6:30 pm nang magsagawa ng buy-bust operation ang mga tauhan ng DDEU laban kay Eskak sa labas ng kanyang bahay.
Hindi nakapalag ang suspek nang arestohin ng mga operatiba makaraan iabot ang plastic sachet na naglalaman ng 2.5 gramo ng shabu, sa undercover agent, kapalit ng P5,000 buy-bust money.
Narekober ng mga operatiba mula sa suspek ang isang malaking plastic sachet na naglalaman tinatayang P262,000 halaga ng shabu at P5,000 buy-bust money.
(ROMMEL SALES)
