HATAW! D'yaryo ng Bayan hatawtabloid.com
MAGKATAPAT sa time slot ang Sherlock Jr. at ang Ang Probinsyano, kaya si Ruru Madrid ba ang Coco Martin ng GMA?
“Sa akin naman po, well iyon nga, bata pa lang kasi talaga ako pangarap ko na ‘yung pagiging action star.”
Ang mga paboritong action star ni Ruru ay sina Robin Padilla, Bong Revilla, Jr., Phillip Salvador, Lito Lapid, at siyempre, ang Hari ng Pelikulang Pilipino na si Fernando Poe. Jr..
“Actually, halos lahat naman po talaga sila, naging idolo ko.”
Bumibili pa si Ruru ng CD ng mga pelikula ng mga nabanggit na action Superstars, lalo na ng yumaong si FPJ.
Ano ang pakiramdam na ang katapat ng show niya ay serye na originally ay pelikula ng idolo niyang si FPJ?
“Well, kumbaga siyempre po iba pa rin… actually mabigyan lang ako ng proyekto na aksiyon, talagang ibang klaseng pakiramdam na po iyon.
“At saka ipagkatiwala po sa amin itong ‘Sherlock Jr.,’ talagang nakatataba po ng puso.”
Na sa sobrang tiwala sa kanya ng GMA ay itinapat nga siya kay Coco.
“Nakatutuwa po talaga! Masaya, masaya po talaga, na after ‘Encantadia’, roon po kasi nagsimula ‘yung puro action, eh. After ‘Encantadia’ nasundan po agad ng ‘Alyas Robin Hood’, then ito pong ‘Sherlock Jr.’
“Dati po kasi lagi ko lang sinasabi sa interbyu na pangarap kong maging action star, everytime na tinatanong ako, ‘Anong gusto mong show?’ ‘Gusto ko po, action!’
“Ngayon po natutupad na po lahat ‘yun, so sobrang nakatutuwa po talaga.”
Rated R
ni Rommel Gonzales
