HATAW! D'yaryo ng Bayan hatawtabloid.com
SIPALAY CITY, Negros Occidental – Patay ang anim na sakada, habang 16 ang sugatan, makaraan tamaan ng matalim na kidlat sa Brgy. Manlocahoc, sa lungsod na ito, nitong Miyerkoles ng hapon.
Sinabi ni C/Insp. Nasser Canja, hepe ng Sipalay City Police, sumilong ang mga sakadang nananagpas ng tubo sa ilalim ng truck dahil sa malakas na buhos ng ulan.
Nasa ilalim din ng puno ang nasabing truck.
Isinugod ang mga biktima sa city health office ngunit hindi sila nailigtas.
Ayon kay Japhet Olac, hepe ng Sipalay City Disaster Risk Reduction Management Office, may 16 iba pang nasaktan sa insidente.
Sa 16 biktima, isa ang nasa kritikal na kondisyon. Isinugod siya sa Bacolod City para malapatan ng lunas.
Habang siyam ang ginagamot sa isang ospital sa Sipalay City at lima ang nagkaroon ng bahagyang pinsala.
HATAW News Team
