HATAW! D'yaryo ng Bayan hatawtabloid.com
ARESTADO ang limang hinihinalang drug perso-nalities, kabilang ang isang 65-anyos lola sa ikinasang magkahiwalay na drug buy-bust operation ng mga pulis sa Caloocan City, kamakalawa ng gabi.
Batay sa ulat ni PO3 Rodney Dela Roma, dakong 10:30 pm nang magsagawa ng buy-bust ope-ration ang mga tauhan ng District Drug Enforcement Unit ng Northern Police District (DDEU-NPD), sa pamumuno ni PSI Cecilio Tomas Jr., laban kina Johairah Ca-mid, 65; at Jamilon Mustafa, 20, sa labas ng kanilang bahay sa Doña Helen, Matrix Village, Brgy. 177.
Nang iabot ng mga suspek ang sachet ng shabu kay PO2 Edimar Cui na umaktong poseur-buyer, kapalit ng P2,000 marked money, agad silang inaresto ngunit nakatakbo si Mustafa kaya hinabol ng mga operatiba hanggang mahuli.
Narekober sa mga suspek ang dalawang transparent plastic na naglalaman ng hinihinalang shabu, tinatayang mahigit P1 milyon ang street value at ang buy-bust money.
Nauna rito, swak din sa kulungan ang mga suspek sa buy-bust ope-ration dakong 9:00 ng gabi, sa harap ng Puregold sa Zabarte Road, Brgy. 174, na kinilalang sina Motalib Ditucalan, 29, at Abdul Cader Datu-Haron, 27, kapwa residente sa San Jose Del Monte; at Abul-Khair Sangcopan, 32, re-sidente sa Quiapo, Maynila.
Anim plastic sachet ng hinihinalang shabu at P500 buy-bust money ang narekober sa mga suspek.
(ROMMEL SALES)
