HATAW! D'yaryo ng Bayan hatawtabloid.com
WALANG lugar na hindi sinusumpong ang aktor na ito ng kanyang bisyong minsan nang nagpahamak sa kanya.
Ayon sa tsika ng aming source, minsan daw ay napadpad ito sa isang lalawigang pasyalan ng mga local tourist. Dinarayo kasi roon ang malawak na dagat.
“Huling-huli ko talaga ‘yung aktor na ‘yon na idol ko pa mandin, may baon siyang sandamkmak na tsongki (marijuana) at doon siya sa loob ng sasakyan niya ‘yon tinitira!”
Pero in fairness sa male celebrity na ‘yon ay kuntento na raw ito sa paghitit ng damo. Hindi raw niya ito pinapartneran ng alak, ‘di tulad ng karaniwang nagbibisyo, “Kaso, para pa lang pugon kung magtsongki siya. Akala ko nga, eh, may bonfire o may nagsisiga malapit sa beach. Pero kahit open air pa ‘yon, amoy na amoy pa rin ‘yung usok!”
In fairness din daw, hindi naghahanap ng basag-ulo ang mahusay pa manding actor, “Basta solved na siya sa ganoon. Tahimik naman.”
Da who ang tinutukoy niyang actor na talamak umano sa pagtsotsongki? Itango na lang natin siya sa alyas na Martin Perfecto.
(Ronnie Carrasco III)
