20 bahay, pabrika ng Banana chips natupok (Sa Kawit, Cavite)

UMABOT sa 20 bahay at isang pabrika ng banana chips ang natupok sa Brgy. Tabon 1, Kawit, Cavite, nitong Sabado.

Hindi pa tiyak kung paano nagsimula ang sunog dakong 9:00 pm, ayon kay fire marshal, S/Inspector Hayceeline Obligar.

Mabilis aniyang kumalat ang apoy dahil malakas ang hangin at gawa sa light materials ang mga bahay.

Tinatayang P500,000 halaga ng mga ari-arian ang natupok sa dalawang oras na sunog. Ngunit walang iniulat na nasaktan o namatay sa insidente.

Pansamantalang pinatuloy sa barangay hall ang ilan sa mga residen-teng nasunugan.